Rema yakomoje ku ngaruka yatewe n'abamushinje kuba mu muryango wa Illuminati

Mar 15th, 2025 10:40 AMBy Vainqueur Mahoro
Share
Rema yakomoje ku ngaruka yatewe n'abamushinje kuba mu muryango wa Illuminati

Umuhanzi Divine Ikubor wamamaye ku mazina ya Rema muri muzika ya Afurika yatangaje ko yagizweho n'ingaruka n' inkuru zavuzwe mu myaka yashize ko akorana n'umuryango wa Illuminati, zatumye atakaza abafana benshi.

Uyu muhanzi uri mu bakunzwe ku Isi yatangarije  'Rolling Stone', ko inkuru zavuzwe ko akorana na Illuminati agasenga sekibi ndetse akanywa n'amaraso y'abantu zatumye atakaza abafana benshi yari afite ndetse hari n'igitaramo cyasubitswe kubera izo nkuru z'ibihuha.

Ati "Hari inkuru nyinshi zamvuzweho zo gukorana na Illuminati, ngasenga sekibi nkanywa n'amaraso. Nahise ntakaza abafana bamwe bizeraga ko ibyo babona kuri interineti ari ukuri"

Rema ubwo yari abajijwe igisobanuro cy'imikufi yambara mu ijosi benshi banashingiraho bemeza ko akorana na Illuminati, yavuze ko ishushanya abakurambere be aho akomoka, akaba iteka aba ashaka kubazirikana.

Mu UKwakira 2023 igitaramo Rema yari afite muri Ethiopia cyarasubitswe kubera ko abo mu idini rya Orthodox banze ko ahakandagira bashingiye ku nkuru z'uko akorana na Illuminati.

 

Mu Ugushyingo kwa 2023 uyu muhanzi yakoze igitaramo cy'amateka muri O2  Arena ndetse kinavugisha benshi nyuma yo kubona ko uyu muhanzi yinjiye ku rubyiniro ari ku kibumbano cy'ifarasi y'aka amabara y'umutuku, ibintu byazamuye ibitekerezo by'ababonye inkuru z'uko uyu musore w'imyka 25 yaba koko ari mu muruyango wa Illuminati.

 

Rema o2.jpg
Ibyo Rema aherutse gukorera muri O2 Arena byatumye yibazwaho byinshi
rema-613.jpg
Rema yatangaje ko yagizweho ingaruka n'inkuru z'ibihuha zakwirakwijwe zivuga ko aba muri Illuminati
Rema.webp
Rema w'imyaka 25 ari ku rutonde rw'abahanzi bane bo muri Nigeria bakoreye igitaramo muri O2 Arena yo mu Bwongereza ikuzura (amatike yatganyijwe agashira), iyi nyubako  ijyamo abasanga ibihumbi 20

 

Inkuru Bijyanye
Izindi