Nyuma y'impaka ndende, Louise Mushikiwabo yongerewe umwaka umwe ku buyobozi bwa OIF

Nov 16th, 2026 10:04 AMBy Vainqueur Mahoro
Share
Nyuma y'impaka ndende, Louise Mushikiwabo yongerewe umwaka umwe ku buyobozi bwa OIF

Umunyarwandakazi Louise Mushikiwabo yongerewe umwaka umwe ari Umunyamabanga Mukuru w’Umuryango Mpuzamahanga w’Ibihugu bikoresha Igifaransa (OIF) nyuma y'impaka ndende.

Kuva mu rukerera rwo kuri uyu wa Mbere tariki ya 26 Ugushyingo 2026 i Phnom Penh muri Cambodge abakuru b’ibihugu bikoresha igifaransa bahuriye mu nama yo mu muhezo mu gikorwa cy’amatora y’Umunyamabanga Mukuru w’uyu muryango. Abakandida batatu ni bo bagombga gutoranwamo umwe.

 

Muri aya matora ariko habayeho ukutumvikana aho uruhande rumwe rwashakaga ko haba amatora n’urundi rushaka ko habaho ubwumvikane ku mukandida.

 

Ibi byatumye aba bakuru b’ibihugu na za guverinoma bafata icyemezo cyo kwigiza inyuma amatora y’Umunyamabanga Mukuru w’uyu muryango ho amezi 12.

 

Hemejwe ko muri icyo gihe cy'umwaka umwe, Louise Mushikiwabo azakomeza kuyobora OIF, gusa ntabwo azaba yemerewe kwiyamamaza ndetse nta nubwo u Rwanda rwemerewe kuzatanga Umukandida.

 

Louise Mushikiwabo amaze imyaka 7 ayobora OIF, nyuma yo gutangira izi inshingano ze muri Mutarama 2019. Yatowe bwa mbere mu Ukwakira 2018.

HXO0pFCWcAEXX4R.jfif
Inkuru Bijyanye
Izindi