Elayono Worship Family bashyize hanze indirimbo yabo ya mbere
Elayono Worship Family yamurikiye abakunzi ba muzika indirimbo yabo ya mbere mu rugendo rwabo w'ivugabutumwa ryifashishije indirimbo zo kuramya no guhimbaza Imana.
Iyi ndirimbo bayise " Mwami Mana" yamaze kugera ku mbuga zitandukanye zimumvirwaho umuziki.
Uyu muryango washinzwe na Mayuru ubuyobowe na Mucyo Kephar ni umuryango mushya ugizwe n'abariririmbyi, abacuranzi ndetse n'abavugatumwa bibumbiye hamwe mu gusakaza ubutumwa bwiza bwa Kristo binyuze mu ndirimbo ndetse banafasha abababaye n'abatishoboye.
Ubuyobozi bw'uyu muryango bwabwiye ISIBOTV&RADIO ko Elayono Worship Family imaze gukora indirimbo nyinshi zizagenda zisohoka mu gihe cya vuba bahisemo guhera ku ndirimbo "Mwami Mana".
Yakomeje avuga ko iyi ndirimbo ari yo ya mbere, ndetse yahisemo gushinga uyu muryango mu rwego rwo guhagurutsa abaramyi ngo bakomezanye urugendo rwo kuramya no guhimbaza Imana.
Ati "Ni itorero ryanjye iyo ni worship team mbarizwamo rero numuryango wanjye Nkunda cyane, ni ivugabutumwa rinyuze mu ndirimbo, turasenga cyane ngo Imana ihagurutse abaramyi bayiramya banayihimbaza mu ukuri no mu mwuka."
Mu Rwanda umuziki wo kuramya no guhimbaza Imana ukomeje kwaguka umunsi ku munsi binyuze mu bihangano bikorwa n'abahanzi ku giti cyabo ndetse n'amatsinda yihuriza hamwe agahagurukira uyu murimo w'ivuga butumwa ryifashishije indirimbo.
Iyi ndirimbo nshya ya Elayono Worship Family, "Mwami Mana," yamaze kugera ku mbuga zitandukanye zicururizwaho umuziki. https://www.youtube.com/watch?v=BAaRRal6_J0
