Rutahizamu ukina muri Premier League yamusize-Umutoza wa Nigeria yatangaje urutonde rw'abakinnyi 23 bazahura n'Amavubi
Kuri uyu wa kabiri tariki 11 Werurwe umutoza w'Ikipe y'igihugu ya Nigeria, Eric Chelle yatangaje urutonde ntakuka rw'abakinnyi 23 bazakina imikino yo gushaka itike y'igikombe cy'Isi.
Nigeria izakina n'U Rwanda ndetse na Zimbabwe muri uku kwezi. Ku nshuro ya mbere uyu mutoza yari yahamagaye abakinnyi 39, uyu munsi akaba yamaze gutangaza 23 azakoresha muri iyi mikino.
Uru rutonde rugaragaraho abakinnyi 3 b'abazamu, ba myugariro batandatu, abakina hagati mu kibuga 6 ndetse na ba rutahizamu 8.
Victor Osimhen na Niyomugabo Claude ubwo U Rwanda ruheruka gukina na Nigeria
Rutahizamu wa Southampton, Paul Onuachu ntiyagaragaye muri uru rutonde.
Tariki 21 Werurwe nibwo Nigeria izakina n'U Rwanda mu gihe nyuma y'iminsi ine izahita yakira Zimbabwe kuri Akpabio International Stadium.
Nigeria ntiyatangiye neza muri iyi mikino yo gushaka itike y'igikombe cy'Isi cya 2026, yanganyije imikino 3, itsindwa umukino umwe.
Urutonde rw'abakinnyi bahamagawe n'umutoza Eric Chelle
ABAZAMU : Stanley Nwabali (Chippa United, South Africa); Amas Obasogie (Singida Blackstars, Tanzania); Kayode Bankole (Remo Stars)
BA MYUGARIRO : William Ekong (Al-Kholood FC, Saudi Arabia); Bright Osayi-Samuel (Fenerbahce SK, Turkey); Bruno Onyemaechi (Olympiacos FC, Greece); Calvin Bassey (Fulham FC, England); Olaoluwa Aina (Nottingham Forest, England); Igoh Ogbu (SK Slavia Prague, Czech Republic)
ABAKINA HAGATI MU KIBUGA : Wilfred Ndidi (Leicester City, England); Raphael Onyedika (Club Brugge, Belgium); Alhassan Yusuf Abdullahi (New England Revolution, USA); Alex Iwobi (Fulham FC, England); Joseph Ayodele-Aribo (Southampton FC, England); Papa Daniel Mustapha (Niger Tornadoes)
BA RUTAHIZAMU : Samuel Chukwueze (AC Milan, Italy); Victor Osimhen (Galatasaray FC, Turkey); Ademola Lookman (Atalanta FC, Italy); Victor Boniface (Bayer Leverkusen, Germany); Simon Moses (FC Nantes, France); Sadiq Umar (Valencia FC, Spain); Nathan Tella (Bayer Leverkusen, Germany); Tolu Arokodare (KRC Genk, Belgium)
Mu itsinda C iyi kipe y'igihugu irimo kugeza ubu U Rwanda ni rwo ruyoboye iri tsinda n'amanota 7 mu gihe Nigeria iri ku mwanya wa 5 n'amanota 3 nyuma y'imikino 4 imaze gukinwa.
