Abahanzi Asake, Wizkid, Tems na Angelique Kidjo mu bahataniye ibihembo bya Grammy 2027

Abahanzi Asake, Wizkid, Tems, na Angélique Kidjo bose bemejwe ku rutonde rw'abahatanira ibihembo bya Grammy Awards 2027 mu cyiciro cy'indirimbo nziza y'Abanyafurika (Best African Music Performance). Urutonde rwatangajwe ku mugaragaro kuri uyu wa Mbere, tariki ya 16 Ugushyingo 2026.
• Asake. Afitemo imyanya ibiri bikomeye, ku ndirimbo ye bwite yitwa "Gratitude" ndetse n'iyo yakoranye na Wizkid bise "Jogodo".
• Tems. Ari guhatana abikesha indirimbo ye yitwa "Big Daddy".
• Angélique Kidjo. Uyu muhanzikazi w'icyamamare ukomoka muri Bénin ari mu bahatana abikesha indirimbo yakoranye n'umuhanzikazi wo muri Nigeria Ayra Starr, yitwa "Aye Kan (Are You Coming Back?)".
• Abandi bahatana. Uru rutonde rurimo kandi abahanzi bo muri Ghana ari bo King Ayisoba na Rocky Dawuni bahatanye ku ndirimbo "No Tradition, No Africa
Icyiciro cya Best African Music Performance cyatangiye gutangwa muri Grammy Awards mu 2024, hagamijwe kurushaho kumenyekanisha ibikorwa by’abahanzi bo muri Afurika no guha agaciro umwihariko w’umuziki w’uyu mugabane.
Ibihembo bya Grammy Awards 2027 biteganyijwe ku wa 7 Gashyantare 2027, mu birori bizabera muri Crypto.com Arena i Los Angeles muri Leta Zunze Ubumwe za Amerika.
Ibi birori bizanyuzwa kuri ABC, Disney+ na Hulu, aho abakunzi b’umuziki bazamenya abegukanye ibihembo mu byiciro bitandukanye.


