Kigali: RIB yataye muri yombi abayobozi babiri baguwe gitumo bakira ruswa

Mar 18th, 2025 08:34 AMBy Idukunda Kayihura Emma Sabine

Urwego rw’Igihugu rw’Ubugenzacyaha [RIB], rwataye muri yombi Mutware François ushinzwe imari n’ubutegetsi mu Murenge wa Kigali, na Uwimana Jean ushinzwe icungamutungo muri uwo Murenge.

Ni amakuru RIB yatangaje kuri uyu wa 18 Werurwe 2025 ikoresheje Urukuta rwayo rwa X, ivuga ko bafatiwe mu cyuho bakira ruswa kugira ngo uwari ufite isoko yongere arihabwe.

Aba bombi bafashwe umwe yakira amafaranga ibihumbi 200 Frw undi yakira ibihumbi 100 Frw, bakaba bafungiye kuri Sitasiyo ya RIB ya Nyarugenge na Rwezamenyo mu gihe dosiye yabo iri gutunganywa ngo ishyikirizwe ubushinjacyaha.

RIB irashimira Abaturarwanda bamaze kwumva ububi bwo guhishira ruswa bagatanga amakuru, kugira ngo abishora muri icyo cyaha bagezwe imbere y’ubutabera. RIB ikomeza kwibutsa abapiganira amasoko bose kutagwa mu mutego w'ababaka indonke, ahubwo bakajya batanga amakuru kuri bo ku gihe.

Inkuru Bijyanye

Izindi

Umwana w’umukobwa w’imyaka 10 yakoze ubukwe n’umukunzi we bangana mbere y’uko apfa

Umwana w’umukobwa w’imyaka 10, Emma Edwards yakoze ubukwe n’umukunzi we wo mu bwana, Daniel Marshall Christopher Williams Jr. bangana,mu birori byuje urukundo byakozwe mbere y’iminsi ibiri ngo uwo mwana w’mukobwa yitabe Imana azize Kanseri yo mu Maraso (Leukemia).

Reba inkuru

Urembejwe na ‘stress’? Dore gereza wafungirwamo ku bushake ukaruhukiramo

‘Prison Inside Me’ ni gereza iri muri Koreya y’Epfo mu Mujyi wa Hongcheon, ikaba yarashyiriweho abantu bashaka kuyifungirwamo ku bushake ngo bimare ‘stress’ bakishyurira 120$ (asaga ibihumbi 170 Frw) kuri buri joro.

Reba inkuru

Inshuti zimaranye imyaka isaga irindwi, ziba zizagumana- Ubushakashatsi

Ubushakashatsi bugaragaza ko inshuti zimaranye imyaka isaga irindwi, ziba zifite amahirwe menshi yo kuzagumana ubuzima bwazo bwose.

Reba inkuru

Wari uzi ko kwihumuriza imyenda yambawe n’umukunzi wawe bikugabanyiriza ‘Stress’?

Ubushakashatsi bugaragaza ko kwihumuriza imyenda yambawe n’umukunzi wawe bishobora kukugabanyiriza ‘stress’, ariko bikaba byanayigutera mu gihe wihumurije iyambawe n’umuntu udasanzwe uzi.

Reba inkuru