AS Kigali WFC yanyagiye Fatima WFC mu mukino banatangajemo umuterankunga mushya

Kuri iki cyumweru ikipe ya AS Kigali WFC yatsinze Fatima WFC ibitego 9-0 mu mukino wabereye kuri Kigali Pele Stadium.
Ikipe ya AS Kigali WFC iri mu zikomeye hano mu Rwanda mu mupira w'amaguru w'abari n'abategarugori yitwaye neza mu mukino wa shampiyona yari yakiriyemo ikipe ya Fatima WFC, ni umukino warangiye iyinyagiye ibitego 9-0.
Nkuko byari byanatangajwe mbere y'uyu mukino ko AS Kigali WFC iza gutangaza umuterankunga mushya, iyi kipe guhera mu mikino isigaye ya shampiyona ndetse no mu mwaka utaha w'imikino izajya yamamaza BE ONE GIN ikorwa na Roots Investment Group.


Byinshi kuri iyi mikoranire bizafasha cyane ikipe ya AS Kigali WFC mu buryo bw'ubukungu kuko si kenshi tubona amakipe y'abari n'abategarugori abona abaterankunga muri shampiyona y'abagore.
Kugeza ubu ikipe ya AS KIGALI WFC iri ku mwanya wa 3 n'amanota 33 mu gihe iri ku mwanya wa kabiri ni Indahangarwa WFC ifite amanota 44, Rayon Sports WFC niyo iyoboye urutonde rwa shampiyona n'amanota 50.