Miss Kenza ufite ikamba rya ‘Miss Belgique 2024’ ari mubazita izina abana b’ingagi

Sep 3rd, 2026 14:51 PMBy Vainqueur Mahoro

Kenza Johanna Ameloot, wabaye Miss Belgique 2024, ari mu bantu bazitabira umuhango wo Kwita Izina 2026, aho azagira uruhare mu kwita izina umwe mu bana b’ingagi.

Ibirori byo Kwita Izina bizabera mu Kinigi mu Karere ka Musanze ku wa 4 Nzeri 2026.

Kenza afite umubyeyi w’Umunyarwandakazi witwa Gakire Joselyne, mu gihe se ari Umubiligi. Yavukiye i Bruxelles. Uretse kuba umunyamideli wabigize umwuga, yiga ibijyanye n’ubucuruzi mpuzamahanga.

Ku wa 24 Gashyantare 2024, nibwo Kenza yambitswe ikamba rya Miss Belgique 2024 mu birori byabereye i De Panne, ahigitse abakobwa 32 bari bageze mu cyiciro cya nyuma.

Mu 2024, nyuma yo kuba Miss Belgique, Kenza yasuye u Rwanda aho yifatanyije n’umuryango ‘Light for the World’ mu bikorwa byo gufasha abana bafite ibibazo by’amaso.

Kenza wamaze kugera mu Rwanda, yatangiye kuryoherwa n’urw’imisozi igihumbi kuko abinyujije ku mbuga nkoranyambaga ze yasangije abamukurikira amashusho yagiye gutembera muri Pariki y’Igihugu y’Ibirunga.

Inkuru Bijyanye

Izindi

Yugi Umukaraza washinjwe ibiyobyabwenge no gusambanya ku gahato Shaddyboo yarekuwe

Yugi Umukaraza wari umaze igihe afunzwe nyuma yo gushinjwa icyaha cyo gusambanya ku gahato Shaddyboo cyabuze ibimenyetso byatuma akomeza kugikurikiranwaho n’icyo gukoresha ibiyobyabwenge yarekuwe nyuma yo kumvikana n’Ubushinjacyaha akabwizeza kwisubiraho.

Reba inkuru

Umukinnyi wa filime Marie-Clémentine Dusabejambo ari ku rutonde rw’abazita izina abana b’ingagi

Marie-Clémentine Dusabejambo, umwe mu bamaze kubaka izina rikomeye muri sinema nyarwanda no ku rwego mpuzamahanga, yashyizwe mu bazita amazina abana b’ingagi mu muhango ngarukamwaka wa Kwita Izina uteganyijwe ku wa 4 Nzeri 2026.

Reba inkuru

Israel Mbonyi yashyizwe ku rutonde rw’abazita izina abana b’ingagi

Umuhanzi w’indirimbo zo kuramya no guhimbaza Imana, Israel Mbonyi, ari mu bamaze gutangazwa ko batoranyijwe kuzita amazina abana b’ingagi mu muhango wo Kwita Izina uzaba ku nshuro ya 21.

Reba inkuru

Miss Kenza ufite ikamba rya ‘Miss Belgique 2024’ ari mubazita izina abana b’ingagi

Kenza Johanna Ameloot, wabaye Miss Belgique 2024, ari mu bantu bazitabira umuhango wo Kwita Izina 2026, aho azagira uruhare mu kwita izina umwe mu bana b’ingagi.

Reba inkuru