Amerika: Abimukira ibihumbi 32 bafunzwe mu minsi 50 ya mbere y’ubutegetsi bwa Trump

Mar 14th, 2025 05:26 AMBy Idukunda Kayihura Emma Sabine

Raporo y’Ishami ry’ibiro bishinwe abinjira n’abasohoka muri Amerika, Immigration and Customs Enforcement (ICE), igaragaza ko iri shami ryataye muri yombi abimukira 32,000 mu minsi 50 ya mbere ya manda ya Donald Trump.

70% muri bo bafite ibyaha bakurikiranweho hakaba n’ababihamijwe. Kuri uyu wa 13 Werurwe 2025 Ibiro Ntaramakuru Reuters byatangaje ko inzu zifungirwamo abimukira zuzuye ku buryo bukabije, kuko zirimo abantu 47.600 kandi zifite ubushobozi bwo kwakira abantu 41.500.

Umuyobozi W’Agateganyo wa ICE, Todd Lyons, yavuze ko uku gufunga abimukira binjira muri Amerika mu buryo butemewe ari intangiriro ku buyobozi bwa Trump, kandi ko bazakomeza gusubizwa mu bihugu byabo.

Imibare igaragaza ko ubutegetsi bwa Trump bukomeje gushyira imbaraga mu gukumira abimukira binjira muri Amerika mu buryo butemewe n’abategeko, kuko nko ku gihe cya Joe Bien imibare igaragaza ko abimukira 113,400 muri rusange ari bo bafunzwe mu mwaka wa 2024, nk’uko imibare ya ICE ibigaragaza.

Inkuru Bijyanye

Izindi

Hatangajwe inyoborabikorwa izakoreshwa mu gihe cyo Kwibuka ku nshuro ya 31 Jenoside yakorewe Abatutsi

Minisiteri y’Ubumwe bw’Abanyarwanda n’Inshingano Mboneragihugu, MINUBUMWE, yatangaje inyoborabikorwa n’ingengabihe mu gihe u Rwanda n’Isi yose bizaba byibuka ku nshuro ya 31 Jenoside yakorewe Abatutsi mu 1994.

Reba inkuru

Abarwanyi ba M23 baganiriye n’ingabo za SADC

Abayobozi b’ihuriro AFC/M23 rirwanya ubutegetsi bwa Repubulika Iharanira Demokarasi ya Congo baganiriye n’abofisiye bahagarariye abagaba bakuru b’ingabo zo mu bihugu by’umuryango wa Afurika y’amajyepfo (SADC).

Reba inkuru

M23 yakuye Ingabo zayo mu Mujyi wa Walikale

Ihuriro AFC/M23 rirwanya ubutegetsi bwa Repubulika Iharanira Demokarasi ya Congo, ryatangaje ko ryavuye mu Mujyi wa Walikale no mu bice biwukikije, mu Ntara ya Kivu y’Amajyaruguru.

Reba inkuru

Umugaba Mukuru w’Ingabo za Uganda Gen Muhoozi yasoje uruzinduko yagiriraga mu Rwanda

Umugaba Mukuru w’Ingabo za Uganda akaba n’Umujyanama wa Perezida Yoweri Museveni mu bikorwa byihariye bya gisirikare, Gen Muhoozi Kainerugaba, yasoje uruzinduko rw’iminsi itaty yagiriraga mu Rwanda.

Reba inkuru